A AXEGA adxudica a Coremain o mantemento das infraestruturas de sistemas do 112
xoves, 4 de marzo do 2021
A
Axencia
Galega de Emerxencias (AXEGA) adxudicou a Coremain o servizo de
mantemento da infraestrutura hardware do Centro Integrado de
Atención 112 situado na Estrada e do centro de respaldo localizado
no Edificio de Servizos Múltiples da Xunta de Galicia en San Marcos,
Santiago.
A
empresa con sede no polígono compostelán de Costa Vella explica que
ao abeiro deste novo contrato o seu equipo de tecnoloxía tramitará
e atenderá, durante os dous próximos anos, todas as incidencias e
avarías que se poidan producir nas distintas infraestruturas de
sistemas dos 112.
A
empresa engade que a nova encarga para o servizo de mantemento dos
ditos equipamentos hardware da AXEGA é “unha recompensa ao
traballo realizado durante os últimos anos”, e máis tendo en
conta a importancia do traballo a realizar: garantir o correcto
funcionamento das ditas infraestruturas clave, fundamentais para
recibir, atender e resolver as chamadas de emerxencia da poboación
galega 24 horas, os 365 días do ano, en materia sanitaria, extinción
de incendios, salvamento, seguridade cidadá e protección civil.