A Cámara de Santiago achega un programa formativo sobre emprendemento e drons
luns, 7 de xuño do 2021
A
Cámara de Comercio Santiago organiza unha actividade formativa para
mostrar como tirar proveito a nivel empresarial das posibilidades que
abren os vehículos aéreos non tripulados. O programa
Emprendemento e drons (PDF),
en palabras da entidade cameral, ten o obxectivo de desenvolver a
competitividade dos novos proxectos derivados da posta en marcha de
plataformas drons.
O
seu inicio está previsto para o vindeiro 28 de xuño. Será de balde
e terá unha duración de seis menores. Está dirixido a persoas
menores de 30 anos. A formación levarase a cabo en streaming.
Quen estea interesado en obter máis información e inscribirse, pode
facelo a través do teléfono 981 596 800 ou da web da Cámara
de Santiago. Cóntase coa colaboración do INCYDE, o Concello de
Santiago e o FSE (Fondo Social Europeo).
Segundo
informa a Cámara a respecto dos obxectivos do curso, “o sector dos
drons está a experimentar un crecemento exponencial nos últimos
anos, existindo importantes posibilidades de actividade e negocio en
ámbitos tan dispares como o agro, o medio ambiente, a vixilancia e
as reparacións industriais, entre outros”. Con todo, engade, son
precisas actividades que poñan o foco no desenvolvemento axeitado
dos coñecementos destas tecnoloxías, e en achegar profesionais que
poidan acometer o aumento das demandas de emprego. “A cubrir estas
eivas de xeito altamente especializadas adícase precisamente este
programa de drons” engade a entidade cameral.