A Coruña recoñece o talento argalleiro da nosa mocidade no XII Obradoiro e Concurso de Robótica
mércores, 24 de novembro do 2021
O
Concello
da Coruña premiou o talento tecnolóxico dos estudantes galegos no
XII Obradoiro e Concurso de Robótica. Segundo confirmou, un
total de 23 centros educativos de toda a comunidade participaron no
certame. Os galardóns entregáronse este luns 22 de novembro no
Centro Ágora.
O
concurso desenvolveuse entre os días 15 e 19 de novembro coa
participación, como dixemos, de dúas ducias de centros educativos
de toda Galicia e, concretamente, catro situados na cidade da Coruña:
o IES Menéndez Pidal; IES Agra do Orzán; IES Salvador de Madariaga;
CPR Franciscanos e Fundación Educativa Santo Domingo.
Na
entrega de premios participou o concelleiro de Educación e
Innovación, Jesús Celemín, quen amosou o seu interese polos
proxectos presentados nun concurso orientado a que o alumnado sinta
“a paixón pola aprendizaxe, execute traballos colaborativos para
afrontar, de forma conxunta, a resolución de problemas e, ademais,
desenvolva a súa creatividade e talento”.
Neste
sentido, os centros educativos gañadores por categorías no XII
Obradoiro e Concurso Galego de Robótica: A Maxia da Robótica foron
os seguintes:
-De
1º a 4º da ESO: CPI de Atios (Valdoviño).
-Bacharelato
e FP: IES Ramón Menéndez Pidal (A Coruña).
-Premio
especial do Concello da Coruña: IES Agra do Orzán (A Coruña).
A
maiores, o certame abriu as portas a un novo formato, inaugurado este
ano, cun concurso de drons no que participaron dous alumnos de cada
centro docente participante no concurso de robótica, cun total de
cinco equipos de 1º a 4º da ESO e outros cinco de Bacharelato e FP.
En virtude desta liña de actividade, os estudantes traballaron na
disposición dos aparatos para facer un voo teledirixido nas
instalacións do Centro Ágora, unha proba na que tiveron que sortear
unha serie de obstáculos.
Trala
exhibición e a posterior avaliación do xurado, anunciouse ós
seguintes gañadores:
-De
1º a 4º da ESO: CPI de Atios (Valdoviño).
-Bacharelato
e FP: IES de Brión (Brión).
Esta
actividade, financiada polo Concello da Coruña co obxectivo de
“estimular a creatividade dos participantes, impulsando tamén a
formación tecnolóxica entre a xuventude galega”, foi promovida
por Igaciencia.
O
Concello
publicou unha relación detallada dos equipos gañadores e dos seus
integrantes en todas as categorías.