A FIC introducirá á rapazada na programación informática o dÃa 16
martes, 12 de decembro do 2017
O vindeiro sábado a Facultade de Informática da Coruña
celebra A Hora do
Código UDC 2017, un evento de balde que busca promover as Ciencias da
Computación entre a rapazada (está aberto a público de entre 8 e 14 anos), con
especial atención a incrementar o número de mulleres e estudantes de colectivos
minoritarios que aprendan a programar.
A xornada pretende instruÃr en conceptos fundamentais de programación,
dispoñendo para iso de bloques lóxicos que, amoreándose nunha orde axeitada,
realicen unha acción concreta, como mover un personaxe nunha escena ou debuxar
unha forma.
Os cativos que queiran participar nesta actividade teñen que reservar a súa
praza, vir acompañados por un adulto responsable e traer un ordenador ou tableta
(aÃnda que tamén se emprestarán dispositivos para quen non poida levar un).
Distribuiranse por idades e niveis en grupos de 10-18 e contarán cun monitor
que os dirixirá e orientará nas actividades.
Para esta introdución á programación realizaranse actividades deseñadas para a
ocasión, que empregan programación visual para facilitar a aprendizaxe dos
conceptos e, para facer máis atractivos os distintos desafÃos a superar, estarán
ambientados en escenarios de franquÃas populares como Vaiana, Frozen,
Minecraft, Angry Birds ou Star Wars.