A Fundación Vodafone lanza un hackathon online para buscar respostas directas á crise sanitaria
mércores, 1 de abril do 2020
A
operadora Vodafone segue adiante coa súa cita diaria de
contribucións para loitar contra a pandemia e a crise sanitaria e
favorecer o teletraballo, a teleformación, a conectividade, o lecer
das familias e, tamén, a investigación directa contra os efectos da
crise sanitaria. Neste
último eido sitúase o Hackathon online COVID-19 lanzado pola
Fundación Vodafone España e directamente encamiñado a
desenvolver solucións á catástrofe do coronavirus.
Segundo
informa a fundación, do mércores 1 de abril ás 18.00 horas ao
venres 3 de abril ás 19.00 horas, as mozas e mozos que pertencen á
comunidade Youth 4
Good poderán idear unha solución para un reto relacionado coa
problemática que está a vivir nestes momentos a sociedade.
En
palabras dos organizadores, o hackathon busca “atopar e
premiar iniciativas para protexer á poboación máis vulnerábel, as
persoas maiores e as persoas con patoloxías”, un desafío que
tentará superar “abordando solucións destinadas a cubrir as
necesidades básicas desta poboación durante o confinamento, para
así reducir ao mínimo a súa exposición ao virus”.
A
comunidade Youth 4 Good, formada por máis de mil douscentos
desenvolvedores novos que xa participaron en iniciativas anteriores
da Fundación Vodafone, será a encargada de asumir este reto. As
dúas solucións máis efectivas e viables serán as gañadoras. A
Fundación Vodafone España comprométese a polas en marcha de forma
inmediata, asegurándose de que os recursos e solucións ponse á súa
disposición no menor tempo posíbel.