A Xunta investirá máis de 43 millóns no proceso de dixitalización da Administración de Xustiza
xoves, 27 de xaneiro do 2022
O
presidente
autonómico, Alberto Núñez Feijóo, indicou este xoves 27 de
xaneiro que a Xunta de Galicia investirá no III Plan Tecnolóxico da
Administración de Xustiza (Senda 2025) máis de 43 millóns de
euros, unha contía que supera nun 68% os orzamentos dos dous
plans anteriores (Senda 2014 e Senda 2020). O obxectivo é seguir
dando pasos no proceso de dixitalización da Xustiza.
Segundo
dixo, o III Plan Tecnolóxico da Administración de Xustiza garantirá
a comunicación telemática coa Administración de Xustiza de
calquera cidadán implicado nun proceso xudicial. Na liña de
continuar avanzando no proceso de dixitalización, ampliarase o
sistema de autenticación (Chave365 ou Cl@ve) e a posibilidade de
citas online, amais de incorporarse novos servizos na Sede
Xudicial Electrónica.
O
presidente engadiu que co obxectivo de que en 2023 todas as salas de
vistas galegas “sexan dixitais2, implementaranse nas 7 grandes
cidades galegas salas específicas que garantan a privacidade das
declaracións de testemuñas vulnerábeis (Salas Gesell).
Por
outra banda, no que respecta aos traballadores e traballadoras,
prevese a creación dunha plataforma que virtualizará os postos de
traballo, garantindo o acceso do persoal á información dende
calquera lugar e de forma segura.
Feijóo
tamén destacou a importancia de continuar coa formación en
competencias dixitais e de “garantir a ciberseguridade da
información xudicial dixitalizada, así como poder previr posíbeis
problemas de seguridade”.
