A empresa tecnolóxica Coaxial, premiada pola patronal boirense

A ABE (Asociación Boirense de Empresarios) deu a coñecer palmarés dos seus premios anuais, que recoñecen as mellores prácticas empresariais desenvolvidas no concello ao tempo que poñen o foco naquelas iniciativas de mercado que máis e mellor beneficios achegaron a Boiro e a súa contorna. Foron dar á Cetárea Ángel Mar (innovadora empresa familiar adicada á venda de pescado e marisco galego dende 1998, referente en sustentabilidade) e á tecnolóxica Coaxial, na categoría de mellor empresa.
Coaxial é unha empresa que dá servizo e asesoramento profesional dende 2015 en áreas de telecomunicacións, electrónica e electrodomésticos. “Realizan dende traballos técnicos domésticos ata infraestruturas complexas coas mellores marcas do mercado e sempre atentos as novidades que este ofrece”, destaca a patronal, lembrando que a súa política de traballo basease “na profesionalidade, eficiencia e garantía de resultados”, asegurándose que os clientes “sexan atendidos de maneira rápida e eficaz facendo un seguimento continuo en cada intervención buscando sempre a súa máxima satisfacción”.
O premio de honra recaeu en Rosa Barcala González, empresaria propietaria da Xoiería e Reloxeria Teixeira.
A gala de entrega de premios terá lugar o vindeiro venres 17 de novembro a partir das 20:30 hs na Pousada da Galiza Imaxinaria, en Boiro. A presentación do acto recaerá na actriz, monologuista e presentadora Marta Doviro. A entrada é exclusivamente con invitación e contaremos con photocall, musica, pinchos, coctelería e sobre todo a presenza do tecido empresarial boirense no que será a festa das empresarias e empresarios locais.