A galega Profocus, finalista nos premios Somos Empresa
luns, 14 de novembro do 2016
A empresa galega
Profocus vén de ser
seleccionada como unha das tres finalistas no certame Somos Empresa,
na categoría de Futuro. Como lembraremos, Profocus é un
estudo de comercio electrónico centrado na fotografía estratéxica
de marca optimizada para buscadores e en recursos avanzados para
mellorar a posición das empresas nas contornas dixitais. Xurdiu ao
abeiro de programa de creación de empresas innovadoras da Tecnópole
e ten a súa base de operación no viveiro de emprendedores do parque
tecnolóxico. Os devanditos premios, que serán entregados en
novembro en Madrid, están organizados por Banco Popular, El País e
Cadena Ser.
O concurso en cuestión
vai pola súa segunda edición. Nela, rexistrou 382 candidaturas para
as súas seis categorías. Os premios distinguen “a capacidade de
inspirar, crear valor e xerar oportunidades das pequenas e medianas
empresas”, que, segundo os organizadores, “son axentes
fundamentais para xerar riqueza e prosperidade na sociedade”.
Na edición de 2015
recoñeceuse o esforzo de empresas como Quinton, con 80 medidas de
conciliación, ou Feyce, fabricante de mel que xa compite en Estados
Unidos coa produción californiana. Segundo lembra a Tecnópole, este
ano Profocus chegou á final entre as 19 mellores.