A sinatura dixital de Docuten funcionará dentro do ERP de Microsoft

Innova como Microsoft ISV Development Center e provedor especializado de solucións e servizos de Microsoft Dynamics, e Docuten como especialista en sinatura electrónica con clientes do calibre de Desigual, Louis Vuitton, Estrella Galicia ou Cabify, acaban de asinar un acordo para crear e comercializar a aplicación Docuten eSign para Microsoft Dynamics 365 Business Central e as súas versións anteriores.
O obxectivo é desenvolver Docuten eSign, unha nova aplicación para a incorporación da sinatura dixital de Docuten dentro de Microsoft Dynamics. Esta aplicación contará con dous módulos independentes, o conector de Innova e a plataforma Docuten, aínda que se comercializará de forma conxunta baixo o nome de Docuten eSign.
Á vez que se crea o conector de Docuten a Business Central, Innova comezará a distribuír en exclusiva a ferramenta en España e Portugal, Reino Unido, Alemaña, Holanda, Francia, Dinamarca, Estados Unidos e Canadá a través da súa canle de distribución, composto polo ecosistema de Partners de Microsoft incluíndo aos principais CSP. Ademais, estará dispoñible en Microsoft Appsource con opción de proba de balde. A distribución da ferramenta fortalece en gran medida a estratexia de internacionalización de Docuten.
Brais Méndez, CEO de Docuten, destaca a simplificación para os usuarios do ERP que supón a integración directa de Docuten dentro de Microsoft Dynamics Business Central. E Ignacio Sainz de Varanda, CEO de Innova, ve este acordo como unha excelente oportunidade de ofrecer un sistema de firma electrónica avanzado á súa canle de distribución e desta forma poñelo ao dispor de todos os clientes de Microsoft Dynamics Business Central a nivel mundial.