A suspensión de Trump en Facebook limitarase a 2 anos

venres, 4 de xuño do 2021 Marcus Fernández

A violación reiterada e grave das normas de distintas plataformas sociais por parte de Donald J. Trump levou a que fose expulsado de todas elas de xeito case simultáneo, e agora que a situación está normalizada, dende Facebook quixeron reflexionar sobre o tema e ver se poden permitir que o expresidente volva a Facebook e Instagram.
Finalmente a comisión encargada destes asuntos decidiu que a suspensión de Trump non será indefinida, senón que limitarase a 2 anos, sempre que se cumpran as condicións que faciliten o seu regreso, o que parece unha decisión bastante covarde que busca evitar reclamacións de cara á vindeira carreira pola presidencia dos EE.UU.
No posible retorno de Trump a Facebook e Instagram habería un período de especial vixilancia na que, de reincidir nas súas infraccións ás normas de Facebook tería que enfrontarse a unha suspensión indefinida.

PUBLICIDADE