AJE Ferrolterra cita ás PEME locais para axudalas co novo regulamento de datos

A Asociación de Empresarios Novos de Ferrolterra (AJE Ferrolterra) organiza este 10 de outubro unha cita para clarificar conceptos arredor do novo marco legal europeo relativo á salvagarda da información e o dereito á intimidade en materia de plataformas e redes dixitais. A xornada informativa sobre a nova Lei Oficial de Protección de Datos celebrarase no local da asociación (número 8 e 9 do Cantón de Molíns) a partir das 20.00 horas, e é de especial interese para todo tipo de profesionais e de traballadores por conta propia, empresas e mesmo para asociacións e entidades de diversa índole.
Segundo informa AJE Ferrolterra, con esta xornada preténdese “analizar as novidades e obrigas que implica o novo regulamento para as PEME e autónomos, axudándolles a evitar sancións”. Na sesión explicarase ás empresas os principais cambios na normativa, debido á entrada en vigor o día 25 de maio de 2018 do Regulamento Europeo e guiaráselles no proceso de implantación e/ou adaptación, indicando o que deben facer para poder adaptarse. O aforamento é limitado, polo que é obrigatorio realizar a inscrición no teléfono 981 333 322 ou no a través do correo electrónico info@ajeferrolterra.org (prioridade de praza para asociados).