Aberto o prazo de matrícula para o Foro Unirede Ferrol

O vindeiro 26 de setembro, a Facultade de Relacións Laborais da Universidade da Coruña (Campus de Ferrol), vai acoller a celebración do Foro Unirede (edición Ferrol), no que se presentarán distintos casos de interese relacionados co social media da man de profesionais cualificados.
O programa do evento, que dará comezo a partir das 16:00 horas, recolle a participación inicial de David Saavedra, cun relatorio sobre Saúde 2.0, a quen lle seguirán outros prestixiosos relatores da talla de Ruth Ríos, de Verbung comunicación; Antonio Reyes, de Premir e María Sánchez, María Allegue e Ana García, da Universidade da Coruña.
A partir das 17:20 horas dará comezo a sección O uso das redes sociais no sector turístico de Galicia, no que se incluirá a presentación de 4 casos de éxito neste sector, da man do CEO de Stabri, Ángel Téllez ou do responsable do aeronoticiario SCQ, Nicolás Álvarez, entre outros.
Malia que o evento é de entrada libre e de balde, é preciso inscribirse previamente, para o que xa está aberto o prazo de matrícula en liña na web oficial do evento.