Altia adquire Bilbomática por 24 millóns de euros
mércores, 3 de agosto do 2022
O
grupo
galego Altia vén de adquirir o 100% de Bilbomática por 24 millóns
de euros. A operación supón para a compañía galega a
integración de máis de 550 profesionais da empresa tecnolóxica
vasca con sede en Bilbao, co que o persoal sitúase en máis de 3.200
persoas. A compra, en palabras da empresa coruñesa, “reforza a
idea de crecemento sólido e ordenado que estamos a levar a cabo
desde a nosa saída a Bolsa en decembro de 2010”.
Bilbomática
é unha empresa de consultoría TIC fundada en 1988. Situada en
Euskadi, especializouse na transformación dixital do sector público,
en ámbitos como administración, o medio ambiente, a sanidade, o
turismo, a innovación, a industria, o benestar social, as utilities
e a enerxía, entre outros. Conta cunha gran experiencia en áreas
tecnolóxicas como Microsoft, Java, portais web, visualización
interactiva de datos, xestión documental, mobilidade, Realidade
Aumentada e Virtual, todo iso baixo estándares avanzados en
seguridade da información.
As
súas capacidades ao completo pasan a formar parte agora de Altia,
cuxa oferta segue crecendo coa incorporación de novas solucións e
tecnoloxías e “así seguir ofrecendo servizos tecnolóxicos de
primeiro nivel aos seus clientes”, informou o grupo galego.