Altia reparte máis de 2 millóns de euros de beneficios
mércores, 6 de xuño do 2018
A
emprega galega Altia, centrada en
servizos TIC avanzados para os ámbitos industriais, das
telecomunicacións ou financeiros, vai repartir máis de dous millóns
de euros de beneficios con cargo aos seus resultados de 2017. Así se
fixo saber este 6 de xuño na xunta xeral de accionistas da firma,
celebrada na Coruña, na que se aprobaron as contas da compañía en
relación ao exercicio do ano que vimos de deixar atrás.
Dos
números presentados despréndese que a empresa repartirá, en
concreto, un total de 2.033.455,50 euros, o que en termos absolutos
supón un 33,6% máis que en 2016.
Polo
que se refire á cifra de negocio, fíxose saber que o importe neto
acadou os 64.709.610 de euros
en
2017, un 3% por baixo do ano anterior. A respecto disto, o presidente
da compañía, Tino Fernández, sinalou que “pode dicirse que
repetimos practicamente os resultados de 2016”, o que demostra,
xunto con outros datos, “a solidez do proxecto”.
Na
xunta tamén se fixo saber que o EBITDA de Altia ascendeu a 8,9
millóns de euros e o seu beneficio neto sitúase en 6,1 millóns de
euros. Ao fío das contas do ano pasado, o presidente da compañía
afirmou tamén que “está intacta nosa capacidade financeira para
emprender novos investimentos e o investimento en talento mantense”.