Amazon.es estrea un programa de recompensas para os mellores comentaristas de produtos

Co obxectivo de ofrecer á consumidores información honesta e imparcial sobre os produtos, Amazon.es anunciou hoxe que lanza Amazon Vine, un programa que convida os clientes cuxos comentarios foron mellor valorados polos demais compradores para ser os primeiros en probar os produtos e valoralos.
A través desta iniciativa, os mellores comentaristas de Amazon.es, que coas súas opinións xa axudaron a millóns de clientes a tomar decisións de compra máis informadas, poderán recibir gratuitamente na súa casa os produtos que escollan dunha selección de artigos propostos polas marcas que participan no programa. Trátase, en moitas ocasións, de produtos que aínda non están á venda ou que veñen de lanzarse. Unha vez recibidos os artigos deberán escribir un comentario en Amazon.es, xa sexa positivo ou negativo, sen que nin Amazon nin as marcas poidan modificalo ou editalo. Unha vez escrito o seu comentario, os clientes poderán quedar co artigo.
Os clientes só poderán formar parte de Amazon Vine por invitación expresa de Amazon, que seleccionará ás Voces de Vine (como se coñecen aos clientes que participan na iniciativa) en base a múltiples criterios. Canto mellor valoradas fosen as súas opinións anteriores por parte doutros clientes, máis posibilidades terán de ser convidados. Amazon Vine incluirá a aqueles clientes que, grazas aos seus comentarios, desenvolvesen unha reputación como expertos en certo tipo de produtos, xa sexan artigos de electrónica ou complementos de bebé, entre outros. O ránking dos mellores comentaristas de Amazon.es pode consultarse na súa páxina web.
“Un 93% dos internautas le polo menos unha opinión doutros clientes antes de comprar un produto en liña. En Amazon.es queremos que os nosos clientes tomen as súas decisións de compra dispoñendo de información imparcial, honesta e útil”, explica Nacho García-Valdecasas, responsable de Amazon Vine en Amazon.es. “Amazon Vine ten un dobre obxectivo. Por unha banda, proporcionar información de calidade aos consumidores e, por outro, ofrecer aos fabricantes unha ferramenta innovadora para testear os seus produtos dándolles acceso aos nosos usuarios máis expertos”.
O programa Amazon Vine non só axuda aos clientes para seleccionar entre os máis de 100 millóns de artigos que actualmente ofrece Amazon.es senón tamén ás marcas, que teñen unha oportunidade para dar a coñecer os seus produtos e asegurarse de que contan con valoracións dos usuarios cando se lanzan, o que lles permitirá gañar visibilidade e acelerar as súas vendas