As ciberfamosas convértense en todo un fenómeno en China

Furong Jiejie converteuse nun referente na Internet chinesa

Tras suspender o seu exame de ingreso da Universidade de Tsinghua (en China) unha moza decidiu levar unha vida universitaria virtual, participando en foros estudantís con comentarios rechamantes e fotografías provocativas, facéndose chamar Furong Jiejie (ou Irmá Hibiscus/Loto) que lle deron moita sona, aínda que non sempre positiva (foi elixida nunha votación como a chinesa máis desagradable do ano) e podería ser a primeira ciberfamosa chinesa, que incluso se traduciu no mundo real en contratos con empresas do mundo do cine.
Pero o polémico caso de Furong non é o único neste panorama virtual chinés, senón que outras mozas como Bai Luming, estudante de Artes Escénicas de 19 anos, tamén están a atraer moitas miradas na Rede.

Bai Luming, de 19 anos, é unha das ciberestrelas chinesas

Bai faise chamar Guoxue Spice Girl, e defínese como unha sedutora que “podería incluso atraer a Confucio”. Tamén asegura ser a 53ª descendente do poeta Bai Juyi, da dinastía Tang (detalle desmentido oficialmente).
Tras estas dúas mozas chegan agora toda unha xeración de aspirantes a ciberestrelas que buscan a sona na Internet no que algúns consideran que se trata dunha tendencia narcisista que en España nos pode lembrar ó fenómeno da fama xerada por certos programas de televisión que moitos non dubidan en chamar lixo.