As compras en liña increméntanse nun 43 por cento durante o Nadal

mércores, 21 de decembro do 2011 Raquel Noya

Igual que en Galicia, durante a tempada de Nadal as compras por Internet increméntanse considerablemente nas Comunidades de Madrid, Cataluña, Castela e León, Andalucía e Extremadura.
E é que a nosa teima por atopar produtos orixinais ou a mellores prezos que nas tendas físicas fai que os galegos e galegas incrementemos as nosas compras en liña en máis dun 43 por cento nestas datas do Nadal, nas que os “produtos estrela” seguen a ser os do sector da moda e complementos, perfumes e electrodomésticos.
Dínolo a tenda de venda privada Showroomprive.es, a través dun estudo no que engade que outros produtos “irresistibles” nesta tempada son os relacionados coa gastronomía e a decoración.
O director de negocio desta compañía, Philippe Limes asegura que “pasamos de desconfiar e non querer dar os datos da nosa tarxeta en Internet a realizar compras tan importantes como as de Nadal en Internet”. E é que en cuestión de festas e celebracións, os galegos non facemos eses miramentos.

PUBLICIDADE