As empresas galegas recibiron en 2019 o 7,16% do total nacional de facturas electrónicas
xoves, 4 de xuño do 2020
As
empresas galegas avanzan en factura electrónica, situándose en
cuarta posición a nivel estatal en materia de recepción de
e-facturas. Asà se fai saber no Estudo
SERES de Implantación da Factura Electrónica en España 2019,
onde se achega unha serie de datos concretos sobre a nosa actividade
no uso dos ditos formatos tecnolóxicos, como por exemplo que as
empresas da nosa terra recibiron o ano pasado o 7,16% do total de
facturas electrónicas recibidas en España e que dentro de Galicia,
Pontevedra foi a provincia mais activa, co 4,7% do total nacional,
seguida da Coruña, co 2,05%, Lugo co 0,21% e Ourense co 0,20%.
En
volume de emisión, Galicia ocupa a sétima posición co 2,46% do
total nacional. Por provincias, Pontevedra emitiu o 1,21% do conxunto
de España, seguida da Coruña co 0,90%, Ourense co 0,2% e Lugo co
0,16%.
Pola
súa banda as empresas galegas emisoras de factura electrónica
representan o 4,48% do total das firmas do ámbito estatal. Por
provincias, as de Pontevedra foron as máis activas, co 2,1%,
seguidas das da Coruña, co 1,38%, Ourense co 0,5% e Lugo, co 0,49%.
En recepción, as empresas galegas representan o 6,42% do total
nacional, onde o 2,6% corresponde a empresas da Coruña, o 2,52% as
de Pontevedra, o 0,7% ás de Ourense e o 0,6% ás de Lugo.
A
nivel estatal, a cifra de emisións procesadas en 2019 ascendeu a
206.464.053 documentos, un 13,51% máis que en 2018. Do total,
171.773.817 documentos (un 6,1% máis que en 2018) corresponden a
transaccións entre empresas (B2B), 22.292.891 a operacións entre
empresas e as administracións públicas (B2G) e 12.397.345 a vendas
de empresas a particulares (B2C).
No
informe faise saber tamén grazas ao uso das e-facturas, en
2019 aforráronse máis de 1.600 millóns de euros na xestión de
documentos dixitais emitidos e recibidos, e o equivalente en horas de
traballo de máis de 442 anos laborais. Ademais, xerouse un impacto
ambiental positivo equivalente á superficie forestal do Parque do
Retiro, ao eliminar o papel de facturas, sobres, etc.
