As solucións de CIES e a renovación do ENS reforzan a posición de Seresco en ciberseguridade

Seresco, compañía tecnolóxica española especializada na integración de servizos de transformación dixital e infraestrutura e software, renovou a súa Certificación do Esquema Nacional de Seguridade (ENS), que asegura o cumprimento das medidas necesarias nos servizos ofrecidos a administracións públicas para garantir a protección adecuada dos datos, sistemas, comunicacións e servizos electrónicos fronte a posíbeis riscos provocados por ciberamenazas, erros ou fallos e accidentes ou desastres.
A renovación desta certificación, lograda por primeira vez no ano 2020, súmase ao resto das conseguidas por Seresco, que consolidou a súa aposta pola ciberseguridade e a protección de datos tras a adquisición do Grupo CIES a finais do ano pasado. Con CIES, que continúa operando coa súa propia marca, “ampliamos o equipo con 32 profesionais especializados en seguridade da información.” A firma asturiana achegou a Seresco máis de 250 clientes nos sectores público e privado e contribuirá a duplicar o obxectivo de facturación da compañía o próximo ano, estimado en 70 millóns de euros.
Seresco renova a súa Certificación de conformidade co Esquema Nacional de Seguridade, de aplicación ao seu Sistema de Información para dar soporte aos seguintes destinatarios:
-Os servizos da área técnica de servizos de infraestruturas, agrupados en consultoría de sistemas e servizos; infraestrutura como servizo; service desk; e operación e administración de sistemas e infraestruturas.
-Os servizos de consultoría, desenvolvemento, mantemento e soporte de aplicacións de software en organismos públicos, da área técnica de produción de software.
-Os servizos de produción de cartografía e xestión catastral.
“Como organización privada que presta servizos ás administracións públicas, mantemos un firme compromiso cos estándares de seguridade e calidade na xestión e protección da información”, asegura Carlos Suárez, conselleiro delegado de Seresco. “A adquisición do Grupo CIES, ademais de reforzar as nosas capacidades de ciberseguridade, contribúe a diversificar os nosos servizos e a gañar capilaridade en todo o territorio español”.