Asus amosa o que poderÃa ser o seu futuro portátil con dúas pantallas táctiles
martes, 5 de xuño do 2018
Nos últimos anos non
foron poucos os conceptos de equipos informáticos baseados en dúas pantallas
táctiles (como o Courier
de Microsoft ou o Yoga
Book de Lenovo), pero o feito de que estes produtos non callasen no mercado
non impide que Asus ouse a abordalos, de xeito que levou ao Computex de Taipei
o Project Precog, un
concepto de ordenador portátil de dobre pantalla que tira proveito da
intelixencia artificial e o machine
learning para tentar innovar.
O Project Precog quere conseguir grande versatilidade ao permitir empregar o
equipo nun modo sobremesa (cunha das pantallas facendo de teclado), modo libro
(coas dúas pantallas amosando contido mentres se controla o equipo con
accesorios externos), modo plano (abrindo ambas pantallas sobre a mesa para,
por exemplo, un uso colaborativo) e modo tenda (atractivo para a visualización
de contidos sen ocupar moita superficie).
Este interesante equipo poderÃa converter unha das súas pantallas táctiles nun
teclado virtual en función de onde coloquemos os dedos, podendo alternar a un
modo lapis cando detecta que empregamos un lapis dixitalizador, convertendo o
produto nunha magnÃfica ferramenta para a creatividade.
Pese a ser un produto conceptual, o equipo existe realmente (deixouse ver no Computex),
e Asus ten previsto comercializalo antes de ano e medio, o que será unha boa
proba de se o mercado está listo para este tipo de innovacións que rachan cos
paradigmas habituais dos escritorios informáticos.
VÃdeo no que deixan ver o Project Precog en vivo