Até 600 estudantes participarán na sexta Competición de Robots da Escola de Enxeñaría Industrial

O vindeiro venres, 21 de abril de 2023 terá lugar na Escola de Enxeñería Industrial (EEI) da Universidade de Vigo a sexta edición da Competición de Robots organizada pola propia Escola. O relanzamento da competición despois do pausa motivada pola pandemia superou todas as expectativas da organización, segundo fixeron saber. Asi, inscribíronse en total 106 equipos das catro provincias galegas na categoría BeRobot e 10 equipos na categoría DeMORobot, o que fai un total de máis de 600 alumnos que se van a citar na Escola para a competición.
Segundo informan fontes da escola, o obxectivo fundamental deste concurso é “achegar a Universidade ao alumnado de Ensino Secundario e Bacharelato ademais de promocionar as titulacións da Escola de Enxeñería Industrial e fomentar o interese do alumnado polas disciplinas STEM, máis especificamente polos estudos de Enxeñería”. En particular, coa categoría superior, preténdese potenciar a autoaprendizaxe no deseño, construción e programación de robots autónomos, á vez que estimular, atraer e desenvolver o talento novo ante os novos retos da industria do futuro.
A competición divídese como dixemos en dúas categorías: a categoría BeRobot, dirixida aos alumnos ESO e Bacharelato, e a categoría DeMORobot dirixida aos estudantes de titulacións superiores e outros interesados.
Programa da competición
10.00 – 10.30 Inscrición e quecemento BeRobot
Os equipos dispoñerán dos tapices de competición para poder realizar os últimos axustes antes de a competición.
10.45 Inicio competición categoría BeRobot
10.45 – 11.15 Primeira proba: Segue-liña marchoso
Esta proba realizarase en 9 tapices de forma simultánea.
Cada equipo competirá no tapiz asignado segundo a categoría.
11.15 – 12.15 Segunda proba: Velódromo mareante
Esta proba realizarase en 9 tapices de forma simultánea.
Cada equipo competirá no tapiz asignado segundo a categoría.
11.30 – 12.00 Inscrición e quecemento DemoRobot
12.00 Inicio Competición categoría DemoRobot
12.00 – 13.45 Probas competición categoría DemoRobot
As probas desta competición desenvolveranse todas no hall da Escola
12.30 – 13.45 Finais por categoría BeRobot (1º 2º ESO, 3º 4º ESO, 1º BACH)
As finais por categoría en 3 tapices de forma simultánea. Tapiz 1 (alumnos 1º 2º ESO), Tapiz 6 (3º 4º ESO) e Tapiz 7 (1º BACH)
14.00 – 14.30 Entrega de premios
Terá lugar no salón de actos da Escola. Entregaranse os premios (1º, 2º e 3o clasificado) nas diferentes categorías (1º 2º ESO, 3º 4º ESO, 1º BACH e DemoRobot) e os premios ao/os robot/s máis orixinal/es.Campus de Vigo.