AtlantTIC, Orange, Ericsson e Optare sentan as bases para converter a UVigo nun smart campus
luns, 14 de marzo do 2022
AtlantTIC,
Centro de Investigación das Tecnoloxías de Telecomunicación da
Universidade de Vigo, participou a semana pasada (o mércores 9) na
que sería a primeira das probas que acolle un campus galego arredor
das novas capacidades da tecnoloxía 5G, desta volta aplicadas á
seguridade e á xestión da mobilidade. O proxecto no que colabora o
centro pretende avanzar nos novos usos desta tecnoloxía dentro do
Plan Nacional 5G financiado por Red.es, e no que colabora a Axencia
para a Modernización Tecnolóxica de Galicia (AMTEGA).
Da
man de Orange, Ericsson e a compañía viguesa Optare Solutions, os
investigadores do centro vigués Rubén Pérez Vaz, Alberto Estévez
Caldas, Brais Blanco Carballeira, José Manuel Rúa Estévez e José
Antonio Álvarez, dirixidos por Felipe Gil Castiñeira e Francisco
Javier González Castaño, do Grupo de Tecnoloxías da Información
(GTI); puxeron
en práctica dúas probas para amosar a resposta inmediata da
tecnoloxía empregada.
Segundo
explicou AtlantTIC, os retos a superar foron varios. Por exemplo o
uso da tecnoloxía edge computing, que achega o cómputo na
nube ao lugar onde se usan os seus resultados, para que sexa capaz de
dar unha resposta rápida e útil en escenarios imprevistos. Segundo
explicou Rubén Pérez, responsábel técnico do proxecto, “as
probas consistiron en utilizar unha antena 5G de Orange, colocada na
Escola de Enxeñaría de Telecomunicación, e conseguir a través
dela que un vehículo accedese a unha zona valada, só coa lectura da
súa matrícula e, en remoto, obter autorización para acceder á
mesma”.
No
caso da segunda proba posta en marchano campus vigués, “o que se
intentaba era que, a través dunha cámara unha persoa puidese
recibir autorización para entrar nunha zona limitada”. Pérez
engadiu que “no caso dun acceso non autorizado activaríase, en
remoto tamén, unha alarma e poríase en marcha un drone capaz de
seguir os pasos desa persoa mediante una aplicación autónoma remota
sobre 5G”.
O
investigador explicou que as probas efectuadas no campus vigués
amosan que o 5G ten unha gran capacidade para dar unha resposta
inmediata en remoto.
Papel
destacado na 5G
AtlanTTIC
conta cunha infraestrutura propia, o Laboratorio 5G & Beyond,
froito dun convenio con AMTEGA e o operador público galego RETEGAL,
polo que é un dos centros de investigación nacionais con máis
coñecemento nesta tecnoloxía. A súa infraestrutura, con
equipamento específico, pode albergar todo tipo de probas e a súa
posta en marcha enmarcouse no Nodo 5G, impulsado pola Xunta a través
do Plan Galicia 5G e no que o centro de investigación participa
desde 2020. O investigador do centro e profesor da E.E. de
Telecomunicación, Felipe Gil, participa en diferentes pilotos de
Red.es, tamén colabora con grandes tractores industriais e mesmo
forma parte dun proxecto específico no ámbito da mobilidade no que
tamén participa Stellantis.