Balidea leva a Holanda o seu asistente virtual para o avellentamento activo
luns, 30 de setembro do 2019
O
Clúster
Saúde de Galicia (CSG) organiza esta semana unha misión comercial
nos Países Baixos, LexSaúdeHolanda. A delegación da nosa terra
contará con presenza TIC, a
da firma de Santiago Balidea, que participa como referente en
solucións innovadoras para o ámbito médico e asistencia social.
Por exemplo o seu asistente virtual para o envellecemento activo,
NETA V3A. Segundo explican fontes da firma, a viaxe está moi
centrada nas solucións para mellorar a calidade de vida das persoas
maiores, “un ámbito no que Balidea ten unha gran experiencia”.
En
particular, como dixemos, a compañía presentará en Holanda un dos
seus proxectos máis recentes, NETA V3A. Trátase dun asistente no
fogar pensado para favorecer os hábitos saudábeis entre as persoas
de idade, que emprega diferentes vertentes tecnolóxicas (robótica,
asistencia por voz, gamificación e Intelixencia Artificial)
para prolongar a autonomía e independencia das e dos usuarios, así
como a súa conexión activa coa contorna na que viven, tanto
familiar como social.
O
obxectivo xeral de LEX Holland é xuntar provedores de atención
médica e de saúde, aprender e intercambiar coñecementos e
experiencias na prestación de servizos de saúde e atención, co
punto de mira no establecemento dunha cooperación en investigación,
proxectos e oportunidades comerciais.
Balidea
salientou as oportunidades que brinda a experiencia para entrar en
contacto con posibles partners tecnolóxicos e referentes no
ámbito do coidado das persoas maiores e a asistencia social.
Forman
tamén parte da expedición as empresas Atendo (socia de Balidea no
proxecto Neta V3A), Servizo Movil, Saraiva, Envita e Activiza,
así como representantes da Universidade de Vigo e do Goberno de
Asturias.