Comeza a distribución que permite actualizar o HTC Hero a Android 2.1

Os usuarios de móbiles HTC Hero levan meses queixándose do abandono que están a padecer por parte do fabricante dos seus terminais, que non cesaba de anunciar demoras no lanzamento dunha actualización do sistema operativo do móbil a Android 2.1, que finalmente comezou a distribuírse hoxe, cando outros móbiles xa teñen dispoñible o Android 2.2.
Esta actualización do HTC Hero a Android 2.1 está a distribuírse agora mesmos en Taiwán, pero é de agardar que nas vindeiras semanas estea dispoñible no resto de mercados nos que se comercializa este terminal, e aínda que é posible descargar a actualización a través de banda larga móbil, recomendan facer tal dende Wi-Fi, para unha operación máis rápida e evitar custos excesivos pola transferencia de datos.