Confusión en Instagram ante o futuro cambio na orde das publicacións

Durante os últimos días unha vaga de imaxes está a asolagar Instagram con usuarios pedindo as seus seareiros que activen as notificación dentro da aplicación para poder seguir accedendo aos seus contidos ante o inminente abandono da orde cronolóxica á hora de presentar a aplicación de Instagram as imaxes, xa que pasarían a ordenarse en función do interese do usuario polos contidos de certos usuarios e non pola hora de publicación, evitando así que se perdesen instantáneas interesantes (xa que estiman que a meirande parte das imaxes ás que un usuario está subscrito non chegan a verse).
Sobre dicir que a reacción dos usuarios de Instagram é totalmente desproporcionada, e instar a activar as notificacións (un xeito moi intrusivo de recibir os contidos) non é a resposta para evitar perder visualizacións no futuro, sendo a solución correcta a busca de interacción cos usuarios pois, pese ao que están a soster algúns coa campaña na que instan a recibir notificacións das actualizacións das nosas contas de Instagram favoritas, xa que non é certo que os contidos de celebridades e marcas cheguen a desaparecer, senón que simplemente saen en distinta orde, e os usuarios que normalmente non verán un contido serán os que historicamente non amosasen interese por ese tipo de imaxe ou vídeo.
Amais, dende Instagram saíron á palestra para asegurar que están atentos á resposta dos usuarios e insisten en que o cambio anunciado aínda non se está a aplicar, dando conta de que avisarán cando os cambios sexan efectivos. O que polo momento está claro é que Instagram non está a seguir a mesma política que Facebook (que agocha boa parte dos contidos das marcas que gustan aos usuarios agás que estas paguen pola súa promoción) senón que simplemente está a preparar un algoritmo para que as primeiras imaxes que vexa un usuario sexan do seu interese, contribuíndo así a manter o interese na aplicación que comeza a ter problemas para manter o seu crecemento. Podemos dicir así que a campaña que insta a activar as notificacións é deshonesta e busca aproveitar a confusión para que certas contas de usuario melloren o seu impacto.