Danse novos casos de phishing baixo o pseudónimo do Banco BBVA

As falsificacións de páxinas web cada vez son máis realistas

Os ciberdelincuentes amigos do alleo que durante unha tempada usaron a falsa identidade do banco BBVA para facerse coas claves dos seus clientes (mediante a técnica denominada phishing) e acceder así aos seus aforros, volve á carga de novo na Rede, e desta volta, en lugar de avisar que a conta está temporalmente bloqueada como fixeron durante un tempo, advirten de que a tarxeta de crédito ou débito “está suspendida para prever o seu fraude”.
Resulta realmente paradoxal que uns hackers que se dedican ao fraude en liña, empreguen agora a técnica do aviso de tentativa de fraude para facerse cos cartos dos usuarios, e máis paradoxal aínda que malia a tódolos avisos e advertencias, este tipo de estafas na Rede sigan a funcionar.
Sen embargo, botando unha ollada á suposta web na que os usuarios se deben rexistrar para volver a activar a súa tarxeta, é doado entender como a xente pode caer neste tipo de fraudes case de xeito automático pois non só é moi semellante á orixinal, senón que incluso a supera en funcionalidade, claridade da información e deseño.
O corpo do correo electrónico é o que nos indica a primeira vista que se trata dunha estafa, pois como vén sendo habitual, a coherencia e cohesión das verbas non é a axeitada e o castelán que usan deixa bastante que desexar. Porén sempre hai algún despistado ou despistada que pode “picar” e neste caso é bastante doado confundir a web falsa coa orixinal pois indica de modo moi correcto que “para reactivar su tarjeta haga click”... o que pode levar a equívocos.
Xa que logo, e para evitar disgustos nos vindeiros días, compre ter tino con este e outros casos de phishing que chegan ao noso correo e a mellor maneira de facelo é ter un bo filtro de spam e comprobar moi ben a legalidade dos remitentes dos nosos correos.