Dinahosting facilita a nosa andaina online cun febreiro de promocións

martes, 12 de febreiro do 2019 Redacción

Dinahosting, a empresa compostelá especializada en dominios de Internet e servizos de hospedaxe web, está a depararnos un mes de febreiro ateigado de promocións e de ferramentas ao alcance da nosa man para levarmos a cabo a xestión total do noso dominio (cousas como redirección web, correo web, xestor de DNS completo, servizo de parking, renovacións automáticas ou soporte profesional 24/7, entre outros servizos). Segundo informa a empresa, se estamos a pensar en rexistrar un domino, “esta é a nosa oportunidade”.
Na listaxe de promocións de Dinahosting para este mes de febreiro, para altas por un ano, atópanse as seguintes: Dominio .ME (para o noso blog persoal ou páxina web tipo portfolio, o que implica que teremos o noso currículo na web por nove euros ao ano), Dominio .STORE (para a nosa tenda de comercio electrónico, en palabras de Dinahosting “o dominio máis concreto e directo que imos poder atopar” e por un prezo de de 7,99 euros ao ano), Dominio .ONLINE (por menos de 7 euros ao ano, teremos un dominio de noso para buscar a meirande visibilidade na Internet, podendo promover en liña o noso proxecto: unha axencia de mercadotecnia, unha comunidade dixital, un ecommerce, unha escola) e Dominio .GAL (o primeiro dominio de primeiro nivel da Comunidade Lingüística e Cultural de Galicia, axúdanos a estar preto deste mercado e dos seus clientes, á vez que protexemos a nosa marca en Internet; o prezo é de 15 euros ao ano).
A maiores, Dinahosting completa o paquete de ofertas e promocións coa posibilidade de levarnos unha hospedaxe de balde durante tres meses, o único requirimento que se nos pide é trasladar o noso dominio dende outro provedor.

PUBLICIDADE