Docuten xestionou dixitalmente máis de 8,5 millóns de documentos e permitiu un aforro de máis de 19,5 millóns

xoves, 14 de xaneiro do 2021 Pedro Pérez

A empresa tecnolóxica coruñesa Docuten fixo balance do seu traballo en 2020 ampliando procesos de dixitalización nas empresas e entidades co fin de mellorar a súa eficiencia e permitir a xestión remota dos procesos administrativos. É así que durante o ano pasado, a empresa tramitou de forma dixital un total de 8.755.788 documentos que permitiu un importante aforro de tempo e económico, cun total de 19,5 millóns de euros, para os seus clientes.
O proceso de dixitalización levado a cabo por Docuten céntrase sobre todo en dar solución a certos procesos administrativos, como poden ser os documentos coa sinatura dixital e a facturación electrónica. Ademais do aforro de tempo e económico, esta iniciativa ten un claro beneficio na súa pegada ecolóxica, evitando a emisión, no caso de Docuten, dun total de 5.778 kg de CO2.
Docuten, que se sitúa como unha das empresas referenciais no sector tecnolóxico do ámbito da dixitalización, conta a día de hoxe con alianzas con diferentes empresas que tamén están actuando mediante procesos dixitais. Microsoft, Lous Vuitton, Cabify, Abanca ou Estrella Galicia, son só unhas das poucas entidades que fan uso deste método dixital que chegou para quedarse.

PUBLICIDADE