Dous novos ordenadores ultraportátiles de Gigabyte

O UMPC M700 de Gigabyte conta con elevadas prestacións e unha aparencia sumamente atractiva

O fabricante Gigabyte aproveitou o CeBIT para presentar novos ordenadores ultraportátiles, os modelos M528 e M700, que destacan polo seu elegante deseño.
O UMPC M700 incorpora un procesador VIA C7-M a 1,2 GHz, unha pantalla táctil LCD de 7 polgadas cunha resolución de 1.024 x 600 píxeles, 2 Gb de memoria RAM e un disco duro de 40 ou 60 Gb de capacidade. Amais, funciona co sistema operativo Windows Vista Home Premium e o seu peso é de só 0,68 quilogramos.
O UMPC M528 inclúe pola súa banda un procesador Intel Centrino Atom a 800 MHz, unha pantalla táctil LCD de 4,8 polgadas cunha resolución de 800 x 480 píxeles, 512 Mb de RAM, disco SSD de 4 Gb, cámara integrada de 1,3 Mpíxeles, teclado QWERTY completo, conectividade HSDPA e receptor GPS. O sistema operativo deste equipo será Linux e só pesa 0,34 quilogramos.

O M528 lembra na súa aparencia ó Nokia N810