El Corte Inglés dá un novo paso para converterse en xigante do ecommerce
xoves, 29 de novembro do 2018
El
Corte Inglés quere tirar o máximo proveito do comercio dixital e da
súa proposta omnicanle, asentando
o futuro para converterse en establecemento sen límites nin cancelas
e plantándolle cara a xigantes do eido como Amazon (o competidor
máis potente de ambas firmas). Por esta razón, vén de asinar
un acordo de colaboración coa firma de raizame chinesa Alibaba,
especializada en tecnoloxías cloud empresariais, co obxectivo
de desenvolver unha estratexia de cooperación global e, nun plano
máis específico, traballar conxuntamente en eidos de cloud
computing, innovación e pago por móbil.
Segundo
se fixo saber na formalización do acordo, ambas as compañías
puxeron en marcha esta colaboración co fin de aproveitar as súas
respectivas fortalezas e as das súas distintas unidades de negocio e
empresas asociadas, incluíndo Tmall, Alibaba Cloud, Alipay e
AliExpress.
En
termos máis específicos, a alianza implica que o grupo español
poida botar man da tecnolxoía web da firma chinesa e de análise de
datos e vender os seus produtos no mercado asiático a través da
plataforma da dita empresa.
Entre
as principais iniciativas e proxectos de colaboración inclúense
iniciativas cloud. A través desta liña conxunta de traballo, El
Corte Inglés terá a oportunidade de acceder a un paquete integral
de solucións tecnolóxicas proporcionado por Alibaba Cloud, que
inclúe a análise de información a gran escala (Big Data)
para a toma de decisións empresariais en tempo real; e ferramentas
de Intelixencia Artificial que ofrecen a personalización da oferta
para unha mellor atención ao cliente. No eido comercial, o acordo
busca achegar a El Corte Inglés a oportunidade de tirar proveito das
plataformas B2C de Alibaba, incluíndo Tmall e AliExpress, co fin de
ofrecer aos usuarios de Alibaba en China e no resto do mundo as súas
marcas e produtos, incluídas as marcas propias da cadea de
establecementos española.
O
obxectivo final sería “permitir aos consumidores de Alibaba
acceder a unha gama máis ampla de grandes marcas españolas e
internacionais que se venden nas tendas de El Corte Inglés,
incluíndo a posibilidade de dar a coñecer novos produtos marca
España”.
Pola
súa banda, AliExpress poderá desenvolver recantos de venda e outros
espazos físicos nos centros comerciais de E Corte Inglés que
permitan “recrear novas e atractivas experiencias de compra” así
como dar a coñecer ao mercado español os últimos produtos lanzados
na plataforma.