Enrique Barreiro segue como director en funcións da ESEI de Ourense

Enrique Barreiro proseguirá catro meses máis ao fronte da Escola Superior de Enxeñaría Informática do Campus de Ourense. O docente ocupará cargo de director en funcións do centro coa encomenda por parte de Salustiano Mato, reitor da Universidade de Vigo, de convocar de novo eleccións na ESEI antes do 28 de febreiro de 2013. Cómpre lembrar que no ano 2012 convocáronse sen éxito dous procesos electorais que “ficaron truncados ao non presentarse en ningún dos dous casos candidatos”, informa a Universidade de Vigo.
Máis polo miúdo, o pasado mes de xuño a ESEI pasou por un proceso de eleccións para a renovación da súa directiva, logo dos tres anos de mandato, proceso que non se puído culminar ao non terse presentado candidato algún. Isto volveu acontecer este mes de outubro, polo que o reitor da Universidade de Vigo encomendoulle a Enrique Barreiro e ao seu equipo que continuasen nos seus postos ata o vindeiros comicios. A directiva está integrada por María José Lado, subdirectora de Organización Académica; Francisco Javier Rodríguez, subdirector de Sistemas e Infraestruturas; Eva Lorenzo, subdirectora de Calidade e Adaptación ao EEES, e Alma María Gómez, secretaria do centro.