Epic Games estrea tenda de aplicacións para iPad

Hai un mes a tenda de aplicacións de Epic Games chegou a Android e a iOS, o que supuxo o retorno por todo o alto de Fortnite ao iPhone, mentres que os usuarios de iPad quedaban á espera, até hoxe mesmo, cando na Unión Europea recibimos a Epic Games Store en iPadOS.
A última actualización de iPadOS abriu as tabletas de Apple ás tendas de terceiros, o que facilitou que agora se poidan descargar xogos como Fortnite e Rocket League Sideswipe, e moi especialmente Fall Guys, que grazas á nova tenda de aplicacións pode descargarse por primeira vez no iPad.