Euskaltel ampliará a súa cobertura de fibra nun mínimo de 1,8 millóns de fogares

martes, 7 de xullo do 2020 Sonia Pena

O Grupo Euskaltel, do que forma parte da operadora galega R, asinou un acordo con Orange que permitirá ao grupo ampliar cobertura a nivel estatal. Máis polo miúdo, permitiralle acceder en modalidade bistream a un mínimo de 1,8 millóns de fogares dos 3 millóns de domicilios incluídos nos plans adicionais de despregue de fibra a realizar por Orange nos próximos anos. Este subministro de rede estará concluído antes de que remate 2023.
O pasado 22 de abril de 2020, nos seus resultados trimestrais, o grupo anunciou que contaba xa cunha cobertura a nivel nacional de 13,5 millóns de fogares, incluíndo a súa rede propia, así como o acceso a redes de terceiros (entre eles, Orange). Deste xeito, Euskaltel cumpre co obxectivo de dispor dun mercado potencial de 18 millóns de fogares a finais do segundo trimestre de 2020. A alianza presentada esta semana é adicional aos acordos de fibra e móbil xa asinados entre o Grupo Euskaltel e Orange.

PUBLICIDADE