Firefox Send permite enviar ficheiros de até 1 GB de tamaño

mércores, 2 de agosto do 2017 Marcus Fernández

Para o envío de ficheiros de grande tamaño existen servizos como WeTransfer ou o recente Velaquí.gal, e agora chega de xeito sorprendente a Fundación Mozilla ofrecendo en probas Firefox Send, un servizo web que permite subir e cifrar ficheiros de até 1 GB de tamaño para compartilos en liña e expirando as ligazóns que facilitan a súa descarga tras a mesma ou en 24 horas, borrándose logo de xeito automático os ficheiros do servidor (contido aos que Mozilla non ten acceso por estar cifrado).
Curiosamente Firefox Send non precisa de ningún engadido especial e nin sequera de facer uso de Firefox, senón que é compatible con calquera navegador web moderno. Durante as probas deste servizo os responsables do mesmo simplemente recompilarán información sobre o seu funcionamento, como a frecuencia de uso do servizo, a duración dos ficheiros no servidor antes da súa expiración, os erros de transferencia ou os protocolos de cifrado que soportan os navegadores dos usuarios.

Vídeo no que se explica o funcionamento de Firefox Send

PUBLICIDADE