Google cambia o acceso ao seu buscador en China

Logo de que o goberno chinés ameazara a Google con anular a súa licenza para suministrar contidos en liña no país, o buscador vén de anunciar que cambiará de novo o seu sistema de acceso dende China aos servizos de procuras na Rede. Malia que aínda non está claro se o Goberno renovará a súa lincenza (que expira a finais deste mes), Google planea modificar a súa alternativa (lembremos que hai cousa de tres meses, Google decidiu deixar de censurar o seu buscador en China e ofrecía automáticamente un acceso en chinés á versión do seu buscador en Hong-Kong, non censurado), suprimindo o devandito redirecionamento automático. Os internautas chineses entrarían así, en primeira instancia, en Google.cn e poderían optar por ligar a unha versión de Google.com.hk. En Google.cn atoparían servizos non sometidos á censura como o de tradución automática. O cambio anunciado pola directiva do buscador figuraría, segundo veñen de anunciar, na petición de renovación da licenza e sería un intento de axustarse a unha das condicións impostas polas autoridades do país asiático, concretamente a de que os servizos en liña deben residenciarse naquel país.