Google prepara unha solución de impresión baseada na nube

Dende Google están a continuar a súa labor de desenvolvemento do Chrome OS, sistema operativo para equipos de baixas prestacións que estará orientado á web, o que suporá, entre outras cousas, a superación dun importante atranco, coma é a xestión da impresión, o que levou á compañía a pensar nunha solución que basee o uso de impresoras na nube, de xeito que non só podería imprimirse dende ultraportátiles, senón que tamén sería posible facer o propio dende teléfonos móbiles e moitos outros trebellos, xa que aplicacións web coma Gmail ou Google Docs ou pequenas aplicacións móbiles non terían que xestionar o proceso de impresión, senón que limitaríanse a remitir peticións a unha API de Google Cloud Print.
Esta solución sería moi atractiva, aínda que quedará por ver a compatibilidade que acadará coas impresoras que hai actualmente no mercado ou se dará lugar a unha nova xeración de impresoras conectadas.