Gradiant participa na oitava edición de ENISE, o Encontro Internacional de Seguridade da Información
martes, 28 de outubro do 2014
Hoxe
e mañá a cidade de León acolle a oitava edición de ENISE
(Encontro Internacional de Seguridade da Información), un evento que
xira arredor do mundo da ciberseguridade en España e que un ano máis
elixe ao Parador San Marcos de León como punto de reunión. Detrás
desta cita atópase INTECO
(Instituto Nacional de TecnoloxÃas da Comunicación) e o centro
tecnolóxico galego Gradiant,
que este ano empresta o seu apoio para levar adiante esta actividade
que serve unha análise colectiva dos avances máis significativos
producidos
dende os eidos público e privado da protección TIC.
Emporiso, o eixo
central da análise presidirao a Estratexia de Ciberseguridade
Nacional, como espazo de encontro e coordinación dos diversos
esforzos desenvolvidos entre administracións, industria e
organizacións. Baixo a lema A
estratexia nacional de ciberseguridade a exame,
ENISE promove a análise e reflexión sobre os retos e os avances
afrontados pola mesma, con particular
énfase na cooperación público-privada e as oportunidades que esta
representa para o desenvolvemento da industria de ciberseguridade en
España.
E indo ao que nos toca de
preto, Gradiant -como Centro Tecnolóxico das Telecomunicacións de
Galicia (Galician Research and Development Center in Advanced
Telecomunications)- decidiu
colaborar con este encontro, apostando pola seguridade na Rede, unha
área na que salientan varias das súas solucións, como SCAPE,
CloudSeep ou CriptoNube.