Jepsen deixa o proxecto OLPC e busca crear un portátil de 75 dólares

A deseñadora da revolucionaria pantalla do portátil XO do proxecto OLPC, Mary Lou Jepsen, vén de deixar a Fundación auspiciada por Negroponte para traballar en Pixel Qi, unha empresa que ten coma obxectivo crear un ordenador portátil que só custe 75 dólares, o que resulta abraiante dado que o XO custa actualmente uns 200 dólares (cando pretendían que custase 100 dólares).
Ademais, Jepsen traballar no sector privado, pois pensa que o XO só foi un primeiro paso, e que desenvolvementos como pantallas de baixo prezo e consumo que se poidan ler baixo a luz do sol para portátiles, móbiles ou cámaras dixitais teñen moito futuro, de xeito que a empresa que vén de fundar poderá seguir evolucionando dentro do mercado.
Este abandono de Jepsen coincide co cese de Intel da directiva do proxecto, así como do anuncio de que só se venderon 162.000 equipos XO, dos que a meirande parte partiron da iniciativa Give One, Get One, ou sexa, que non foron adquiridos por gobernos, no que parece que é un fracaso temporal deste altruísta iniciativa.