Jesús Balado, recoñecido pola RAGC pola súa contribución ás nubes de puntos e á seguridade viaria
luns, 21 de setembro do 2020
O
investigador Jesús Balado, membro do grupo de Xeotecnoloxías
Aplicadas da Universidade de Vigo, elaborou unha
tese na que afondou na creación de mapas para calcular rutas seguras
para viandantes. Esta liña de
traballo de Jesús Balado (que pon en xogo mapas de peóns xerados a
partir de nubes de puntos) mereceulle a obtención do Premio
Abertis sobre Seguridade Viaria e, agora tamén, unha das dúas
mencións honoríficas que a Real Academia Galega de Ciencias (RAGC)
outorga dentro dos seus Premios de Investigación Ernesto Viétez
correspondentes ao ano 2020.
A
mención honorífica recoñece o desenvolvemento dun método para
minimizar o uso de mostras en nubes de puntos para o adestramento de
redes neuronais capaces de clasificar dixitalmente obxectos urbanos
como bancos, colectores de lixo ou semáforos, cun 99,5% de
precisión.
Xunto
ao investigador da UVigo, a mención ao investigador novo recaeu este
ano en Esteban Suárez do CiQUS da USC por un estudo no campo dun
tipo polímeros, denominados helicoidais sintéticos, que permite
desenvolver novos nanomateriais cun comportamento multifuncional e
propiedades aplicábeis á biomedicina e ás TIC (Tecnoloxías da
Información e a Comunicación), como encapsulado de substancias e
desenvolvemento de sensores.
Pola
súa banda, o traballo científico distinguido co Premio
Investigación 2020 da RACG, dotado con 6.000 euros, recaeu en
investigadores do CiMUS da USC polo descubrimento dunha ferramenta
para a reprogramación celular que abre novas portas ao estudo e
tratamento de enfermidades como o cancro e doenzas inmunes.
Na
categoría de investigadores novos o galardón, dotado con 2.000
euros, foi para o investigador do CITIC da UDC Raúl Santoveña, que
participou de xeito determinante no descubrimento das estrelas ricas
en fósforo, descoñecidas ata agora.
A
entrega de premios, que este ano acadan a súa 29ª edición, terá
lugar durante a celebración do Día da Ciencia en Galicia, o
vindeiro 8 de outubro.
A
contribución de Jesús Balado
O
investigador Jesús Balado quixo reivindicar no seu traballo as
posibilidades que abre a creación de mapas de nubes de puntos, cos
que é posíbel clasificar os elementos do solo urbano (beiras,
escaleiras, ramplas) e, con esa información, dar forma a un mapa que
nos axude a calcular rutas reais e seguras para camiñantes,
transitando por beirarrúas ou cruzando pasos de peóns. A través
destas tecnoloxías tamén se salva un dos principais escollos que
poñen no camiño aplicacións como Google Maps, que xeran
itinerarios que na práctica non son viábeis para o seu uso por
parte dos peóns, ao estar baseados principalmente en mapas de
estradas, o “que se traduce en que o itinerario proposto transcorre
por unha vía que pode non ter beirarrúas aos lados ou cruzar por
lugares que non son seguros”. Outra das vantaxes da técnica que
propón Balado na súa tese é a posibilidade de comprobar se as
zonas a transitar son accesíbeis, diferenciando traxectos para
individuos con mobilidade reducida e os que non a teñen.
Esta
alternativa centrou a tese de doutoramento Classification and
modelling of urban environments from point clouds for physical
accessibili-ty diagnosis and pedestrian pathfinding.