José Suárez de la Puente, novo director de Vodafone para a zona norte

Vodafone España vén de designar ao enxeñeiro de Telecomunicacións pola Universidade de Vigo, José Suárez da Puente, como novo director territorial da zona norte, ámbito que inclúe as comunidades autónomas de Galicia, Castela e León, Asturias, País Vasco, Cantabria, Navarra e A Rioxa.
A traxectoria profesional de Suárez estivo ligada a Vodafone desde 2007, ocupando distintos postos como responsable de vendas para grandes empresas e liderando o lanzamento da proposta para administracións públicas en Galicia, e desde 2016 como director de vendas para Galicia e Asturias, o que lle permitiu adquirir un alto coñecemento das necesidades do tecido empresarial da zona norte. Ademais, durante estes anos desempeñou a representación institucional na rexión, conseguindo posicionar a Vodafone como un referente tecnolóxico en Galicia.
Con anterioridade exerceu cargos de responsabilidade nas áreas comerciais de Comunitel e Jazztel.
José Suarez substitúe a Francisco Vallejo, até o de agora director territorial da zona norte, que será responsable do liderar a proposta de produtos e solucións para empresas a nivel nacional co propósito de xestionar todo o ciclo de produto desde o desenvolvemento, a prevenda e a venda especialista.
José Suárez sinalou que «o meu obxectivo é continuar levando aos nosos clientes as tecnoloxías máis innovadoras para axudarlles nos seus procesos de transformación dixital que lles permitan ser máis eficientes, así como buscar e aproveitar novas oportunidades de negocio».