KFC anuncia un ordenador para xogar cun espazo para manter quente o polo

mércores, 23 de decembro do 2020 Marcus Fernández

Se dalgo saben en KFC é de márketing, de aí que adoptasen unha imaxe moi peculiar convertendo en icona ao seu fundador, o Coronel Sanders ou tamén reducisen o seu nome (Kentucky Fried Chicken) a siglas para restar peso ao tipo de preparación da súa comida (que pode entenderse como pouco saudable); e un exemplo actual destas tácticas e a súa forte presenza nas redes sociais achegándose moi especialmente aos amantes dos videoxogos, aos que sorprenderon anunciando o remate da guerra de consolas coa chegada da KFConsole.
Aínda que dan a entender que KFC entraría no mercado das videoconsolas, a cousa é ben diferente, e o produto promocionado, que podería pasar por broma do Primeiro de Abril, sería unha caixa compacta de ordenador fabricada por Cooler Master que sorprendería ao mundo ao incorporar un caixón cunha grella destinado a colocar pezas de polo que manter quente coa calor xerada polo equipo informático.
Esta idea é bastante tola, e podería quedar nunha simple campaña promocional, pero o produto, do que aínda non se anunciou nin prezo nin data de lanzamento, si podería ser real, xa que polo que anuncian non sería máis que unha versión personalizada das caixas NC100 de Cooler Master, que permiten montar un equipo baseado na arquitectura Intel NUC 9, cunha gráfica de Asus capaz de mover xogos a 4K e con almacenamento de estado sólido de Seagate. Esta combinación de factores podería permitir configurar un ordenador de tamaño moi compacto, capaz de mover xogos até a 240 imaxes por segundo en 4K, contando tamén con soporte para ray tracing e realidade virtual, o que hai que recoñecer que non sería precisamente económico (podemos falar tranquilamente dun ordenador que custe entre 2.000 e 3.000 euros).
Ten sentido deseñar un ordenador que aproveite a calor xerada no seu interior para manter quente o polo? Chegará realmente a fabricarse este produto? Haberá que velo, pero polo momento xa captou a atención do público, polo que como campaña publicitaria pode considerarse todo un

Vídeo promocional da KFConsole

PUBLICIDADE