LG pecha a súa división de móbiles

Hai un par de semanas a prensa surcoreana informou do abandono de LG do mercado dos smartphones tras fracasar as negociacións para a venda da división de telefonía que levaba 6 anos rexistrando perdas, e finalmente o inevitable confirmouse oficialmente nunha nota de prensa publicada hoxe mesmo.
Dende LG aseguran que hoxe o seu cadro de dirección aprobou o peche da súa división de móbiles para enfocarse en áreas de negocio ten máis posibilidade de éxito, á vez que queren tranquilizar aos consumidores asegurando que manterán o soporte técnico e as actualizacións de software dos seus móbiles actuais durante un tempo que dependerá de cada rexión (lembremos que en Europa as garantías obrigatorias son de 2 anos, mentres que en mercados como o estadounidense tal período queda en 12 meses).
Curiosamente LG asegura que reterán as tecnoloxías nucleares para o seu negocio móbil, contando en que poidan empregalas en produtos futuros.
O peche da división móbil de LG pretende completarse o 31 de xullo, sendo posible que tras esa data continúen os móbiles da marca no mercado por quedar existencias.