Madrid acolle esta fin de semana a máis de 200 expertos en Android

A Universidade Rey Juan Carlos I de Madrid, vai reunir, o vindeiro sábado día 13 de febreiro no seu campus de Fuenlabrada, a máis de 200 expertos en Android (o sistema operativo de Google para teléfonos móbiles) que se achegarán á capital para descubrir as vantaxes desta ferramenta e atoparlle novos usos e utilidades.
O Android Developer Lab, que así se chama o evento, está coorganizado polo grupo GSyC/Libresoft, e será impartido por Reto Meier, autor do libro Professional Android Application Development 2 e promotor desta tecnoloxía na zona de Europa, Oriente Medio e África.
A URJC foi pioneira no uso de Android na docencia pois xa no seu Máster Universitario Oficial en Sistemas Telemáticos e Informáticos proporcionouselle aos estudantes un teléfono móbil HTC Magic con este sistema operativo para que realizasen as prácticas da materia Redes, Aplicacións e Servizos en Internet.
O código de Android é Open Source, distribuíndose o seu código fonte coa licenza Apache v2. O sistema operativo Android utiliza un kernel GNU/Linux sobre o cal corre a máquina virtual Dalvik, que ofrece aos programadores de aplicacións un ámbito de programación Java dende a cal se pode programar calquera funcionalidade do teléfono, incluíndo a realización de chamadas, envío de mensaxes SMS, acceso á cámara, GPS…