Movistar anuncia melloras na súa oferta de extras de datos

Movistar vén de anunciar unha mellora na súa oferta de extras de datos móbiles. Esta optimización canalízase a través do lanzamento dun novo catálogo que ofrece brinda aos clientes “opcións un 17% máis baratas cás actuais e con máis xigabytes de capacidade”. As vantaxes en cuestión están dispoñibles a partir do 18 de xuño para clientes de móbil e de Fusión de Movistar, que poderán contratar os módulos Extra 500 MB (seis euros ao mes), Extra 1 GB (con novo prezo de 10 euros ao mes), Extra 3GB (por 20 euros ao mes) e Extra 5 GB (por 30 euros ao mes).
Segundo explican fontes de Movistar, o novo Extra 3 GB substitúe ao actual de 2 GB, polo que os clientes que o teñan contratado serán migrados a este e a partir de agora terán 1 xigabyte máis por 4,2 euros menos ao mes. Así mesmo, o novo Extra de 5 GB substitúe ao de 3 GB, o que supón para os usuarios que o teñan contratado 2 xigabyte máis de capacidade por 6,3 euros menos. Aqueles que teñen o Extra 1GB, manterán a capacidade pero pagarán 2,10 euros menos.