Movistar elimina o compromiso de permanencia e venderá os seus móbiles libres

Luis Miguel Gilpérez foi o encargado de anunciar as importantes novidades de Telefónica España

Telefónica España está a dar importantes pasos de cara aos seguintes meses, que hoxe fixéronse visibles con varios anuncios que debullan o novo plan de acción da compañía de cara a unhas comunicacións sen barreiras nin compromisos por parte do cliente, entre as que destaca a eliminación do compromiso de permanencia de 18 meses nas súas tarifas móbiles de contrato e a eliminación do bloqueo de terminais (SIMlock), de xeito que unha vez que rematen o stock de dispositivos bloqueados Movistar ofrecerá móbiles libres dende o inicio (evitando o trámite de ter que solicitar a súa liberación unha vez superado o compromiso de permanencia, podendo os clientes actuais pedir o seu código de desbloqueo vía web).
O presidente da compañía, Luis Miguel Gilpérez, lembrou hoxe que o vindeiro venres comezarán a ofrecer servizos 4G, que antes de rematar o ano pretenden chegar a 63 cidades españolas e deu conta da renovación da oferta de servizos de Movistar Fusión (que manteñen o seu prezo incorporando novas prestacións, que salvo a tarifa antes coñecida como Movistar Fusión Cero pasarán a gozar de chamadas ilimitadas dende o móbil).
Movistar tamén renova as súas tarifas de contrato móbil, de xeito que os usuarios de Movistar Total e da nova Movistar Veinte poderán gozar de 4G sen prezo adicional.
A oferta de Movistar TV simplifícase, quedando en Movistar TV (con máis de 70 canles, a Champions, a Liga e Europa League) e Movistar TV Mini (que incorpórase de balde a todas as ofertas de fibra e ofrece os contidos da TDT e canles como Fox, AXN, Cosmo, Calle 13, Paramount Comedy, unha canle promocional e 2 canles do mes de Movistar TV).
Outra das grandes novidades anunciadas por Gilpérez hoxe é un novo plan de fidelización de Movistar, que fin ao programa de puntos, e que chamarase Por ser de Movistar, ofrecendo vantaxes para obter descontos en terminais icónicos, así como para facerse con outros servizos como carburante ou seguros.