Movistar lanza unha agresiva promoción dirixida a clientes de Vodafone

A aposta de Vodafone polos prezos agresivos está a levar a Movistar a reaccionar con tácticas curiosas, como o feito de ofrecer a tarifa miMovistar con fibra de 600 Mbps, 2 liñas móbiles con 35 GB de datos e unha oferta audiovisual que inclúe Ficción Total (Max, SkyShowtime, Apple TV e canles de cine e series) e todo o fútbol a un prezo de 44,90 euros/mes durante 12 meses, en contraste cos 134,90 euros/mes que tería tal tarifa sen promoción, cunha condición: esta oferta só está dispoñible para usuarios que visiten a páxina web de Movistar a través dun enderezo IP de Vodafone (o que inclúe tamén a usuarios de Lowi e Finetwork).
Falamos dun desconto moi importante, que nesta ocasión busca claramente loitar contra as actuais prácticas comerciais de Vodafone, que busca axustar prezos, aínda que non pode competir en contidos audiovisuais e deportivos, elementos que aproveita Movistar para achegar unha oferta personalizada difícil de resistir.