NotebookLM estrea Resumos de vídeo en galego

Hai cousa dun mes Google estreou unha nova funcionalidade en NotebookLM: a posibilidade de crear Resumos de vídeo. Temos así un novo xeito de comprender conceptos complexos, xa non só con audio, como se podía facer antes, senón tamén cun acompañamento visual a xeito de presentación, con imaxes, citas, diagramas... que axudan a comprender mellor o tema que esteamos a analizar.
No seu lanzamento os Resumos de vídeo de NotebookLM só estaban dispoñibles en inglés, como un xeito de probar masivamente esta tecnoloxía e, agora que semella estar afinada, ofrécena en 80 linguas entre as que non falla o galego.
Temos aquí unha impresionante ferramenta para poder introducirse nunha materia ou repasar coñecementos, coa vantaxe de que o contido xerado está dispoñible na nosa lingua.
Amais, NotebookLM tamén está a mellorar os Resumos de audio, que agora están dispoñibles en dúas duracións diferentes, polo que tanto podemos escoitar unha especie de podcast no que dous interlocutores conversan sobre a materia que esteamos a estudar, como tamén podemos limitar o peza sonora a uns titulares que faciliten facerse unha idea básica da materia.