O Acer Aspire R7 terá unha edición limitada inspirada en Star Trek

O Acer Aspire R7 é unha curiosa proposta a medio camiño entre portátil e ordenador todo-en-un, que ao colocar o seu teclado e a súa pantalla en paralelo adopta unha pose que dende certos ángulos pode lembrarnos á popular nave Enterprise de Star Trek, o que parece non ser accidental, ou iso podemos entender tras ver que Paramount Pictures e Acer van desenvolver unha poxa entre os días 14 e 24 de xuño na que venderán 25 unidades dunha edición limitada do Aspire R7 co emblema da Flota Estelar xunto con carteis asinados da película Star Trek: En La Oscuridad que chegará este verán aos nosos cines.
Os cartos conseguidos a través desta iniciativa irán a parar ás organizacións sen arela de lucro The Mission Continues e Save The Children.
O Acer Aspire R7 é un completo portátil con pantalla táctil de 15,6 polgadas que pode equiparse cun procesador Intel Core i5/i7, 4/8 Gb de RAM, disco duro de 750 Gb ou SSD de 256 Gb, 3 portos USB, HDMI e lector de tarxetas SD que está á venda por prezos que oscilan entre os 899 e os 1.299 euros.