O CITIC loita contra a COVID-19 dende unha chea de frontes tecnolóxicas e solidarias

xoves, 16 de abril do 2020 Redacción

Dende o inicio da crise sanitaria producida pola COVID-19, o Centro de Investigación TIC (CITIC) da Universidade da Coruña está traballando para ofrecer solucións de valor para a loita contra o virus. A continuación damos conta dalgúns dos principais proxectos que se están desenvolvendo dende o centro coruñés.
· Nomeamento de Ricardo Cao como presidente do comité de expertos da Acción Matemática contra o Coronavirus.
O investigador e membro do comité de dirección do CITIC, Ricardo Cao, foi nomeado polo Comité Español de Matemáticas (CEMat) presidente del comité de expertos de la iniciativa Acción Matemática contra el Coronavirus, que ten o obxectivo de axudar ao Goberno a atopar solucións ante a crise, aportando conclusións e recomendacións dende o ámbito das matemáticas.
· Creación dunha páxina web para facer monitoraxe a evolución da COVID-19 en España
O investigador Carlos Fernández Lozano puxo en marcha unha páxina web que permite visualizar la evolución da COVID-19 en España. Pódense consultar os datos relativos ao número de casos confirmados afectados, pacientes recuperados e falecementos, diferenciados por comunidades autónomas e rangos de idade. Ademais, grazas ao apoio da Acción Matemática contra el Coronavirus, que lanzou un chamamento á comunidade científica para participar no proxecto, a páxina web inclúe tamén predicións de evolución, grazas á participación de máis de 50 profesionais da Estatística, Matemática e Ciencia de Datos de diferentes universidades españolas.
· Área de Ciencia da Computación e Intelixencia Artificial
Un grupo de investigadores desta área, dirixidos por Marcos Ortega, están traballando en tres iniciativas baseadas en novos desenvolvementos e en adaptación de resultados previos.
Ferramenta de recollida de datos clínicos de pacientes para estudos asociados a riscos patolóxicos
Ferramenta automática para a mellora da eficacia dos tests RT-PCR
Ferramenta de triaxe e estratificación asistencial con base en imaxe radiolóxica
Outro grupo liderado polo investigador Alejandro Pazos atópase traballando en dúas iniciativas para o diagnóstico e o tratamento da COVID-19.
· Área de Ciencia e Enxeñaría de Datos
Por unha parte, un grupo de traballo transversal formado por diferentes áreas de investigación do centro, coordinados polo director do CITIC Manuel F. González Penedo e o investigador Ricardo Cao, presentaron ao Instituto de Saúde Carlos III a proposta Ciencia e enxeñaría de datos para a avaliación, predición poboacional e personalizada da evolución da enfermidade COVID-19, que ten como obxectivo aportar coñecemento a curto prazo sobre a evolución da enfermidade e achegar solucións para un mellor manexo da mesma.
Por outra parte, un grupo dirixido por Susana Ladra e José Paramá está desenvolvendo un proxecto de investigación para a caracterización de cuasiespecies virais do SARS-CoV-2.
· Iniciativas solidarias
De forma complementaria, integrantes do CITIC están levando a cabo iniciativas para a colaboración con sectores claves nesta crise e con colectivos sociais que se están vendo prexudicados. Así, a investigadora Thais Pousada está ofrecendo teleformación en colaboración con entidades sen ánimo de lucro, ademais de utilizar a súa impresora 3D para realizar viseiras de pantallas de protección individual, aliñada coa iniciativa Coronavirus Makers Galicia. O responsábel da área de sistemas, Alejandro Mosteiro, tamén está utilizando a impresora 3D do centro con este obxectivo.

PUBLICIDADE