O Lluon A1 preséntase coma un ordenador moi difícil de clasificar

O fabricante surcoreano Celrun vai comercializar no mes de setembro tanto en Corea coma en Europa e EE.UU. un novo equipo que parece unha mestura entre un portátil, o vello iMac G4 con forma de lámpada, ou un Eee PC de escritorio, pois o Lluon A1 é un equipo todo-en-un que funciona cun procesador Intel Atom, 1 Gb de RAM, 160 Gb de disco duro, arranque dual (que permite elixir entre Windows para operar funcións típicas dun PC e Linux para funcións de IPTV), gravadora de DVD, unha pantalla LCD de 18,4 polgadas (cunha resolución de 1.680 x 954 píxeles), altofalantes integrados e rato e teclado sen fíos.
Parece bastante complicado ubicar a este novo equipo, pois estaría orientado ao consumo de televisión por IP, así como para operar coma un ordenador básico que, en vez de apostar pola alta portabilidade, quere facerse un oco no escritorio.